His love on a perspective of a sinner </3
NANDUN AKO
Nandun ako, para sayo
Sa lahat ng oras ay kasangga mo ako
Nandun ako, pero talaga yatang sarado ang mga mata mo
Bakit hindi mo mkita kita ang halaga ko?
Naaalala mo pa ba noong panahong natisod at nadapa ka?
Dumating ako para tulungan kang tumayo sa iyong mga paa
Ngunit ikaw ay tumanggi, ang sabi mo’y “hindi na”
Sabi mo pa nga sakin, kaya mo na ang sarili mo diba?
Nasa tabi mo ako sa lungkot at ligaya
Pero pinapansin mo lang ako kapag nahihirapan ka na
Dahil nalilimutan mo ko ‘pag may ibang taong sayo’y nagpapasaya
Ang luha mo’t daing ay para sakin at ang mga ngiti mo’y para sa kanila
Naaalala mo pa ba noong naligaw ka?
Ginawa ko ang lahat mahanap lang kita
Inakay kita pabalik sa daan kung saan ka papunta
Nagpasalamat ka lang, tapos iniwan mo na ulit akong mag isa
Lagi akong handing tumulong sayo
Ngunit wala akong karapatang pakialaman ang buhay mo
Ikaw ang magdedesisyon, suporta mo ako
Kung anong kahilinagn mo, yun ang susundin ko
Kailan mo kaya makikita na mahal kita?
Wala naman akong ibang ginusto kundi ang mapabuti ka
Kung sa tingin mo’y sa kanya ka sasaya, sige puntahan mo sya
Ngunit pag sinaktan ka nya, nandito lang ako yayakapin ulit kita
Pares ng bukas na mata ang nais kong ibigay sayo
Para Makita mo nmaan ang kaibahan ng peke at totoo
Tunay na pag ibig ang hanap mo? Nandito naman ako
Kahit isang beses lang sana ako naman ang piliin mo
Nasasaktan ako kapag nakikita kong umiiyak ka
Masaya akong makita ang ngiti sayong mga mata
Nandun ako, maligaya kahit ang dahilan ng mga ngiti mo ay hindi ako
Umaasang balang araw ako naman ang magbibigay ng kagalakan sayo
Martir bang pakinggan? Pasensya na mahal lang talaga kita
Tatanggapin kita kahit nasaktan mo na ako ng sobra
Nandun ako at naghihintay sayo sa isang sulok
Inaalala ang mga panahong nilikha kita mula sa alabok
Sabrina Pen 